ಹೆರಿಗೆಯ ಬಳಿಕ ಐದು ನವಜಾತ ಶಿಶುಗಳ ಪೋಟೊವನ್ನು ವೈದ್ಯರ ತಂಡ ಸಾಮಾಜಿಕ ಜಾಲತಾಣ ಟ್ವಿಟರ್‌ನಲ್ಲಿ ಹಂಚಿಕೊಂಡಿದೆ. ಡಾ.ಶಶಿಬಾಲಾ ಸಿಂಗ್ ನೇತೃತ್ವದಲ್ಲಿ ಯಶಸ್ವಿಯಾಗಿ ಹೆರಿಗೆ ಮಾಡಿಸಲಾಗಿದೆ. ಸದ್ಯ ತಾಯಿ ಹಾಗೂ 5 ಶಿಶುಗಳ ವೈದ್ಯರ ಆರೈಕೆಯಲ್ಲಿದ್ದಾರೆ. ಇದು ನಮ್ಮ ರಿಮ್ಸ್ ಆಸ್ಪತ್ರೆಯಲ್ಲಿ ನಡೆದ ಅಪರೂಪದ ಮೊದಲ ಘಟನೆ ಎಂದು ಡಾ.ಶಶಿಬಾಲಾ ಸಿಂಗ್ ಹೇಳಿದ್ದಾರೆ.
ಏನಿದು ಕ್ವಿಂಟುಪ್ಲೆಟ್ಸ್?
ವೈದ್ಯಕೀಯ ಭಾಷೆಯಲ್ಲಿ ಒಂದೇ ಬಾರಿಗೆ ಜನಿಸಿದ ಐದು ಮಕ್ಕಳನ್ನು ಕ್ವಿಂಟುಪ್ಲೆಟ್ಸ್ (quintuplets) ಎಂದು ಕರೆಯಲಾಗುತ್ತದೆ
ಸಾಮಾನ್ಯವಾಗಿ ಐದೂವರೆ ಕೋಟಿ ಜನರಲ್ಲಿ ಒಂದು ಪ್ರಕರಣ ಮಾತ್ರ ಕ್ವಿಂಟುಪ್ಲೆಟ್ಸ್ ಆಗಿರುತ್ತದೆ.
ಬಹುತೇಕ ಕ್ವಿಂಟುಪ್ಲೆಟ್ಸ್ ಪ್ರಕರಣಗಳಲ್ಲಿ ಹೆಣ್ಣು ಮತ್ತು ಗಂಡು ಶಿಶುಗಳು ಇರುತ್ತವೆ.
ಕ್ವಿಂಟುಪ್ಲೆಟ್ಸ್ ಪ್ರಕರಣಗಳಲ್ಲಿ ಎಲ್ಲಾ ಶಿಶುಗಳು ಗಂಡಾಗಿರುವುದು ಅಥವಾ ಹೆಣ್ಣಾಗಿರುವುದು ತೀರ ಅಪರೂಪ ಎಂದು ವೈದ್ಯಕೀಯ ದಾಖಲೆಗಳು ಹೇಳುತ್ತವೆ.
ವೈದ್ಯಕೀಯ ಮಾಹಿತಿ ಪ್ರಕಾರ ಈ ವರ್ಷದ ಫೆಬ್ರುವರಿಯಲ್ಲಿ ಬ್ರಿಟನ್‌ನಲ್ಲಿ ಒಂದು ಕ್ವಿಂಟುಪ್ಲೆಟ್ಸ್ ಪ್ರಕರಣ ವರದಿಯಾಗಿದೆ. ಅದು ಬಿಟ್ಟರೆ ಈ ವರ್ಷದಲ್ಲಿ ಇದು ಎರಡನೇ ಪ್ರಕರಣ ಎಂದು ತಜ್ಞರು ಹೇಳಿದ್ದಾರೆ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ