ಹೊಸ ಬಾಳಿಗೆ ಅಡಿಯಿಟ್ಟ ಸಾಕ್ಷಿ ಮಲಿಕ್ - ಸತ್ಯವರ್ತ್
ನವದೆಹಲಿ: 2016 ರಿಯೊ ಒಲಿಂಪಿಕ್ಸ್ ಕುಸ್ತಿ ಪಂದ್ಯದಲ್ಲಿ ಕಂಚಿನ ಪದಕ ಗೆದ್ದ ಸಾಕ್ಷಿ ಮಲಿಕ್ ಮತ್ತು ಅಂತರರಾಷ್ಟ್ರೀಯ ಕುಸ್ತಿ ಪಟು ಸತ್ಯವರ್ತ್ ಕಾದಿಯಾನ್ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.
ರೋಹ್ಟಕ್‌ನಲ್ಲಿ ಭಾನುವಾರ ನಡೆದ ವಿವಾಹ ಮಹೋತ್ಸವದಲ್ಲಿ ಸಾಕ್ಷಿ ಅವರನ್ನು ಸತ್ಯವರ್ತ್ ವರಿಸಿದ್ದಾರೆ. ತಮಗಿಂತ ಎರಡು ವರ್ಷ ಕಿರಿಯರಾದ ಸತ್ಯವರ್ತ್ ಅವರನ್ನು ವಿವಾಹವಾಗುವುದಾಗಿ ಸಾಕ್ಷಿ ಕಳೆದ ವರ್ಷದ ಸೆಪ್ಟೆಂಬರ್‌ನಲ್ಲಿ ಘೋಷಿಸಿದ್ದರು.
Time to get colored with Mehendi for the big day #excited pic.twitter.com/BjcBpIyrx3
— Sakshi Malik (@SakshiMalik) April 1, 2017
ಸತ್ಯವರ್ತ್ 2010ರಲ್ಲಿ ನಡೆದ ಯೂತ್ ಒಲಿಂಪಿಕ್ಸ್ ನಲ್ಲಿ ಕಂಚು ಗೆದ್ದಿದ್ದಾರೆ. 2013ರ ವಿಶ್ವ ಯುವ ಕುಸ್ತಿ ಪಂದ್ಯದಲ್ಲಿ ಟರ್ಕಿಯ ಕುಸ್ತಿಪಟುವನ್ನು ಸೋಲಿಸಿ ಕಂಚು ಗೆದ್ದಿದ್ದಾರೆ. ಅಷ್ಟೇ ಇಲ್ಲದೆ 2014 ಏಷ್ಯನ್ ಕುಸ್ತಿ ಚಾಂಪಿಯನ್‍ಶಿಪ್, 2014 ಕಾಮನ್‍ವೆಲ್ತ್ ಗೇಮ್ಸ್, ಏಷ್ಯನ್ ಗೇಮ್ಸ್‌ನಲ್ಲಿ ಕಂಚಿನ ಪದಕಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ.
ಹರಿಯಾಣದ ರೋಹ್ಟಕ್‍ನವರೇ ಆಗಿರುವ ಸತ್ಯವರ್ತ್ ಮತ್ತು ಸಾಕ್ಷಿ ಮಲಿಕ್ ಕುಸ್ತಿ ತರಬೇತಿ ಕೇಂದ್ರದಲ್ಲಿ ಸಹಪಾಠಿಗಳಾಗಿದ್ದರು. ಒಲಿಂಪಿಕ್ಸ್ ಪಂದ್ಯದ ನಂತರ ಮದುವೆಯಾಗುವುದಾಗಿ ತೀರ್ಮಾನಿಸಿದ್ದರು.
ಸಾಕ್ಷಿ– ಸತ್ಯವರ್ತ್ ಅವರ ವಿವಾಹ ಸಮಾರಂಭದಲ್ಲಿ ಪ್ರಮುಖ ಕ್ರೀಡಾ ಪಟುಗಳು, ಆಪ್ತ ಸ್ನೇಹಿತರು ಹಾಗೂ ಕುಟುಂಬ ಸದಸ್ಯರು ಪಾಲ್ಗೊಂಡಿದ್ದರು.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ