ಕಡಲಾಮೆಗಳು ಮೊಟ್ಟೆಡುವ ಸಮಯ: ಫುವೈರಿತ್ ಕಡಲ ಕಿನಾರೆಗಳಲ್ಲಿ ಪ್ರವಾಸಿಗರಿಗೆ ಪ್ರವೇಶ ನಿಷೇಧ
ದೋಹಾ: ವಂಶ ನಾಶ ಭೀತಿಯಲ್ಲಿರುವ ಕಡಲಾಮೆಗಳು ಮೊಟ್ಟೆಯಿಡುವ ಸಮಯವಾಗಿರುವುದರಿಂದ ಫುವೈರಿತ್ ಕಡಲಕಿನಾರೆಗಳಿಗೆ ಪ್ರವಾಸಿಗರು ಭೇಟಿ ನೀಡುವುದನ್ನು ನಿರ್ಬಂಧಿಸಲಾಗಿದೆ.
ಕತಾರ್‍‍ನ ಉತ್ತರಭಾಗದಲ್ಲಿರುವ ಫುವೈರತ್ ಕಡಲ ಕಿನಾರೆಯಲ್ಲಿ ಹಾಕ್ಸ್ ಬಿಲ್ ಎಂಬ ಜಾತಿಗೆ ಸೇರಿದ ಕಡಲಾಮೆಗಳು ಏಪ್ರಿಲ್ ನಿಂದ ಜುಲೈ ತಿಂಗಳವರೆಗೆ ಮೊಟ್ಟೆಯಿಡುವುದಕ್ಕಾಗಿ ದಡ ಸೇರುತ್ತವೆ.
ಹಾಗಾಗಿ, ಆ ತಿಂಗಳುಗಳಲ್ಲಿ ಪ್ರವಾಸಿಗರು ಫುವೈರಿತ್ ಬೀಚ್‍ಗೆ ಭೇಟಿ ನೀಡಬಾರದೆಂದು ಪರಿಸರ ಸಚಿವಾಲಯ ಹೇಳಿದೆ. ಆಗಸ್ಟ್ ತಿಂಗಳ ನಂತರವೇ ಈ ನಿರ್ಬಂಧವನ್ನು ತೆಗೆಯಲಾಗುವುದು.
ಕಡಲು ತೀರ ಪ್ರದೇಶಗಳಲ್ಲಿ ವಾಹನ ಸಂಚಾರ, ಬಲೆ ಬೀಸಿ ಮೀನು ಹಿಡಿಯುವುದು ಸೇರಿದಂತೆ ಈ ಪ್ರದೇಶಗಳನ್ನು ಮಾಲಿನ್ಯ ಮುಕ್ತಗೊಳಿಸುವಂತೆ ಸಚಿವಾಲಯ ಇಲ್ಲಿನ ನಾಗರಿಕರಿಗೆ ಹೇಳಿದೆ.
ಫುವೈರಿತ್, ಅಲ್ ಖಾರಿಯಾ, ರಾಸ್ ಲಫಾನ್, ಅಲ್ ಮರೂಣ ಮೊದಲಾದ ಕಡಲ ಕಿನಾರೆಗಳಲ್ಲಿಯೂ ಹಲೂರ್, ಶರೀವು, ರಾಸ್ ರಖೇಲ್, ಉಂತೇಯಿಸ್ ಮೊದಲಾದ ದ್ವೀಪಗಳಲ್ಲಿ ಕಡಲಾಮೆಗಳ ಸಂಖ್ಯೆ ಜಾಸ್ತಿ ಇದೆ. ಪ್ರತಿ ಋತುಗಳಲ್ಲಿ ಗುಂಪಾಗಿ ಕಡಲ ತೀರಕ್ಕೆ ಆಗಮಿಸುವ ಈ ಆಮೆಗಳು 70 ರಿಂದ 95 ಮೊಟ್ಟೆಗಳನ್ನಿರಿಸುತ್ತವೆ. 52 ರಿಂದ 62 ದಿನಗಳಲ್ಲಿ ಈ ಮೊಟ್ಟೆಯಿಂದ ಮರಿ ಹೊರಬರುತ್ತದೆ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ