ಇದು ಸ್ಯಾಡ್ ನ್ಯೂಸ್ : ಸಂತುಷ್ಟ ದೇಶಗಳ ಜಾಗತಿಕ ಪಟ್ಟಿಯಲ್ಲಿ ಭಾರತದ ಸ್ಥಾನ ನೋಡಿದರೆ ಅಳು ಬರುವುದು ಖಚಿತ
ಬರ್ಲಿನ್, ಮಾ. 20: ಅತ್ಯಂತ ಅತೃಪ್ತ ದೇಶಗಳ ಪೈಕಿ ಭಾರತವೂ ಒಂದು ಹಾಗೂ ಕಳೆದ ವರ್ಷ ಅದು ಇನ್ನೂ ಹೆಚ್ಚಿನ ಅತೃಪ್ತಿಗೆ ಒಳಗಾಯಿತು ಎಂಬುದಾಗಿ ‘ವರ್ಲ್ಡ್ ಹ್ಯಾಪಿನೆಸ್ ರಿಪೋರ್ಟ್ 2017’ ಅಭಿಪ್ರಾಯಪಟ್ಟಿದೆ.
ಪಟ್ಟಿಯಲ್ಲಿ ಬರುವ 155 ದೇಶಗಳ ಪೈಕಿ ನಾರ್ವೆ ಅತ್ಯಂತ ಸಂತುಷ್ಟ ದೇಶವಾಗಿ ಹೊರಹೊಮ್ಮಿದೆ.
ಭಾರತ 122ನೆ ಸ್ಥಾನದಲ್ಲಿದೆ. ಕಳೆದ ವರ್ಷದಲ್ಲಿ ಭಾರತದ ಸ್ಥಾನ 118 ಆಗಿದ್ದು, ಈ ವರ್ಷ ಅದು ನಾಲ್ಕು ಸ್ಥಾನಗಳನ್ನು ಕಳೆದುಕೊಂಡಿದೆ.
ವಿಶ್ವಸಂಸ್ಥೆಯಲ್ಲಿ ಸೋಮವಾರ ನಡೆದ ಅಂತಾರಾಷ್ಟ್ರೀಯ ಸಂತೋಷ ದಿನ ಆಚರಣೆಯ ಸಂದರ್ಭದಲ್ಲಿ ವರದಿಯನ್ನು ಬಿಡುಗಡೆ ಮಾಡಲಾಯಿತು.
ಕಳೆದ ವರ್ಷ ನಾಲ್ಕನೆ ಸ್ಥಾನದಲ್ಲಿದ್ದ ನಾರ್ವೆ ಈ ಬಾರಿ ಮೊದಲ ಸ್ಥಾನಿಯಾಯಿತು.
ಆರ್ಥಿಕ, ಆರೋಗ್ಯ ಮತ್ತು ಹಣಕಾಸು ತಜ್ಞರು ನಡೆಸುವ ಸಮೀಕ್ಷಾ ಅಂಕಿಅಂಶಗಳನ್ನು ಆಧರಿಸಿ ಪಟ್ಟಿಯನ್ನು ಸಿದ್ಧಪಡಿಸಲಾಗುತ್ತಿದೆ.ಕಳೆದ ವರ್ಷ ಮೊದಲ ಸ್ಥಾನದಲ್ಲಿದ್ದ ಡೆನ್ಮಾರ್ಕ್ ಈ ಬಾರಿ ಎರಡನೆ ಸ್ಥಾನಕ್ಕೆ ಇಳಿದಿದೆ.
ಐಸ್‌ಲ್ಯಾಂಡ್, ಸ್ವಿಟ್ಸರ್‌ಲ್ಯಾಂಡ್ ಮತ್ತು ಫಿನ್‌ಲ್ಯಾಂಡ್ ಕ್ರಮವಾಗಿ 3, 4 ಮತ್ತು 5ನೆ ಸ್ಥಾನಗಳಲ್ಲಿವೆ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ